Սեպտեմբերի 25-ին ԵՊՀ Հայ բանասիրության ֆակուլտետի ՈՒԳԸ-ն կազմակերպել էր
արտահամալսարանական միջոցառում: Օրը բավականին հագեցած էր: Բանասերները
դասախոսական անձնակազմի մի քանի ներկայացուցիչների հետ միասին այցելեցին
Պարույր Սևակի տուն-թանգարան, ծաղիկներ դրեցին մեծ բանաստեղծի շիրմին,
այնուհետև շարժվեցին դեպի Նորավանք: Այս հոյակերտ վանական համալիրում
բանասերներն իրենց հոգու աղոթքը հղեցին առ Աստված:Օրվա երկրորդ կեսն անցավ
Վայոց ձորի վայրի ու լուսառատ բնության գրկում: Ուսանողները տուն
վերադարձան բարձր տրամադրությամբ և անմոռանալի տպավորություններով լի:
