Ինչպես ԵՊՀ մի շարք ֆակուլտետներում, այնպես էլ Ռոմանագերմանական բանասիրության ֆակուլտետում առաջին կուրսեցիներին շնորհավորելու եւ ֆակուլտետում ուսումնական տարվա անդրանիկ դասը վարելու իրավունքն այսօր տրված էր ՀՀ արտակարգ եւ լիազոր դեսպաններին: Ֆակուլտետը հյուրընկալել էր Հունաստանում ՀՀ արտակարգ եւ լիազոր դեսպան Գագիկ Ղալաչյանին, ով արդեն երկու տարի է, ինչ գլխավորում է Հունաստանում գործող ՀՀ դեսպանությունը:
Ապագա պատմաբանների հյուրը Եգիպտոսում ՀՀ արտակարգ եւ լիազոր դեսպան Արմեն Մելքոնյանն էր: Վերջինս ուսանողներին ներկայացրեց հայ-եգիպտական հարաբերությունները, պատմեց Եգիպտոսում մեծ դեր ունեցած հայ քաղաքական գործիչների, նրանց ունեցած դերի, եգիպտահայ համայնքի մասին:
Մեր հանրապետությունում դիմորդների ընդհանուր թիվը կազմել է 2627 (նրանցից 1600-ը դիմել է ԵՊՀ)` չհաշված արվեստի բուհերը, քանի որ նրանց քննությունները կազմակերպվում են այլ սկզբունքներով: Առաջին անգամ կենտրոնացված քննություններին մասնակցող մասնավոր բուհերի դիմորդների ընդհանուր թիվը 25 էր, իսկ շուրջ 1000 դիմորդ չի հաղթահարել ընդունելության շեմը:
Նախքան դեսպանի գալը ֆակուլտետի ղեկավարությունն ու պրոֆեսորադասախոսական կազմը հասցրել էին դիմավորել առաջին կուրսեցիներին, որոնց թիվն այս տարի այնքան էլ մեծ չէր` ընդամենը 47:
