Հոկտեմբերի 3-ին Հայ բանասիրության ֆակուլտետի ՈՒԳԸ-ն հաճելի անակնկալ մատուցեց ֆակուլտետի ստեղծագործող ուսանողների համար: Ֆակուլտետում նախապես հայտարարվել էր ստեղծագործական մրցույթ` նվիրված ՀՀ անկախության 20 ամյակին: ՈՒԳԸ նախագահ Թամարա Պողոսյանի և ՈՒԳԸ քարտուղար Սաթենիկ Կարապետյանի գլխավորությամբ ՈՒԳԸ անդամները փորձել էին հնարավորինս լավ նախապատրաստվել միջոցառմանը: Ֆակուլտետի ստեղծագործող 14 ուսանողները որոշ ժամանակով համախմբվեցին միևնույն գաղափարի շուրջ` <<Հայաստանը ես եմ>>: Թեման հանձնարարվեց տեղում, որից հետո ուսանողներին տրվեց ժամանակ իրենց մտքերը ձևակերպելու համար: Մրցույթի արդյունքները կհրապարակվեն առաջիկայում: Վերջում ուսանողները շնորհակալություն հայտնեցին ֆակուլտետի ՈՒԳԸ-ին նման նախաձեռնության համար:
