Հայաստանի Հանրապետության կրթության և գիտության նախարարությունը հայտարարում է բաց մրցույթ «Հայաստանի պետական տնտեսագիտական համալսարան» պետական ոչ առևտրային կազմակերպության ռեկտորի թափուր պաշտոնը զբաղեցնելու համար: Այս մասին տեղեկացանք ԿԳՆ տեղեկատվության և հասարակայնության հետ կապերի վարչությունից:
Բազմաթիվ պատմաբաններ, ներկա ու ապագա դիվանագետներ, գրականագետներ եկել էին ԵՊՀ` ներկա գտնվելու Միջազգային հարաբերությունների ֆակուլտետի միջազգային հարաբերությունների եւ դիվանագիտության ամբիոնի վարիչ, պրոֆեսոր Էդիկ Զոհրաբյանի «Նախիջեւանի հիմնահարցը 1920-1921 թթ.» աշխատության շնորհանդեսին:
Այս գիրքը հեղինակի` Նախիջեւանի հիմնահարցին նվիրված եռամաս ուսումնասիրության երրորդ` վերջին հատորն է, որտեղ համակողմանի ներկայացվում են Ադրբեջանի խորհրդայնացումից հետո նախիջեւանյան հիմնահարցում տեղի ունեցած զարգացումները, խնդրի լուծման ուղղությամբ ծավալած ռազմական եւ դիվանագիտական գործընթացները: Հեղինակը ցույց է տալիս հիմնահարցի տեղն ու դեր
... Ավելին
Մարտի 8-ից ապրիլի 7-ը կլինիկան ԵՊՀ բոլոր կին աշխատակիցների առջեւի ատամների կարիեսի բուժումը կիրականացնի բացարձակապես անվճար:
Կլինիկայի տնօրեն Հայկ Սարգսյանի խոսքերով` նվերը պատահական չէ ընտրված. «Առջեւի ատամների բուժումը էսթետիկ ստոմատոլոգիայի այն գործերից է, որի արդյունքը կարեւոր նշանակություն ունի ե՛ւ հաճախորդի, ե՛ւ ատամնաբույժի համար: Բացի այդ, կարծում եմ, սա մեր կանանց հաճելի եւ անկաշկանդ ժպիտ պարգեւելու հրաշալի հնարավորություն է»:
ԵՊՀ շրջանավարտների եւ կարիերիայի կենտրոնի նախաձեռնությամբ համալսարանի ակտիվ ուսանողները պարբերաբար այցելում են Հայաստանում գործող միջազգային կազմակերպությունների երեւանյան գրասենյակներ:
Շրջանավարտների եւ կարերիայի կենտրոնի տնօրեն Լիլիթ Հակոբյանը կարեւորում է ուսանողների ու գործատուների անմիջական հանդիպումները, իսկ Համաշխարհային բանկի նման մեծածավալ գործունեություն իրականացնող կառույցի ծրագրերին ուսանողների տեղեկացված լինելը կենտրոնի տնօրենն անհրաժեշտ նախապայման է համարում:
Բանկի մասին ամբողջական պատկերացում կազմելու համար հայաստանյան գրասենյակում ուսանողներին նախ ցուցադրեցին Համաշխարհային բանկի միջոցներով իրականացված առողջապահական ոլորտին վերաբերող ֆիլմ, ապա մանրամասն պատմեցին բանկի ընդհանուր կառուցվածքի ու գործունեության մասին: